Húsnæðismál hafa verið í brennidepli síðasta áratuginn, bæði á Íslandi og erlendis. Það kemur ekki á óvart. Hjá flestum er stærsti hluti eigna bundinn í húsnæði og aðgengi að öruggu húsnæði tengist beint stöðugleika, fjárhagslegu öryggi og lífsgæðum.
​
Þrátt fyrir mikilvægi húsnæðismála hefur mun meira verið skrifað um hlutabréfamarkaði en húsnæðismarkaði í almennri umræðu og fræðilegum skrifum. Markmiðið hér er að bæta úr því með því að safna óháðri og aðgengilegri þekkingu á einum stað fyrir fólk sem vill skilja húsnæðismarkaðinn betur: verð, framboð, leigu, lán og aðra þætti sem móta markaðinn.​